...आणि ‘यशवंत’

2007च्या फेब्रुवारी - मार्च - एप्रिल महिन्यांचा पहिला  अंक 'यशवंत'ने प्रकाशित केला. कुडतरकर यांनी नोकरीतून निवृत्त झाल्यानंतर सुरू केलेला हा उपक्रम. पहिल्या  अंकाला नमुना अंक म्हटले आहे. त्यावर संपादक म्हणून अवधूत कुडतरकर तर सहसंपादक म्हणून माधव सटवाणी यांची नावेेआहेत. या अंकानंतर नियमितपणे कुडतरकर अंक प्रकाशित करीत आलेे आहेत. जवळजवळ एकहाती हा अंक ते चालवतात. काही दिवसांपूर्वी त्यांना पक्षाघाताचा झटका आला. आरोग्यस्थिती अत्यवस्त बनली तरीही अंकांमध्ये त्यांनी खंड पडू दिलेला नाही. आर्थिकदृष्ट्या अंकाचा भार न पेलवताही ते तो वाहत आहेेत. या त्रैमासिकात  गोमंतकीय लेखकांबरोबरच गोव्याबाहेरील लेखकांचे लेखनही प्रकाशित झालेले दिसते. अनेक विशेषांकही प्रकाशित झालेले दिसतात. ‘यशवंत’च्यावतीने गोमंतकीय साहित्यिकांचा सत्कारही केला जातो. तसेच साहित्यविषयक स्पर्धाही घेतल्या जातात असे दिसते.

यशवंत त्रैमासिकाचा पत्ता :

संपादक,
‘यशवंत’ त्रैमासिक,
प्रभात प्रकाशन
माऊली मंदिरानजीक,
उगवें, पेडणे - गोवा 403512

पहिल्या अंकाचे मुखपृष्ठ